Perfil Suku

Vizaun Suku COLMERA

Lideransa Suco COLMERA hamutuk ho ninia Komunidade tomak hatuur vizaun suco nian maka hanesan:

“Suco Colmera ba futuru sei sai hanesan suco nebee SAUDAVEL, HARMONIZA, FURAK, PAZ no LIVRE HUSI SOSIEDADE NEBEE KRIME”

Misaun Suco COLMERA

Atu atinji vizaun ne’ebé deskreve ona iha leten, Suco COLMERA defini no misaun sira mak hanesan:

  1. Rezolve kazu dezempregu iha suco colmera.
  2. Hametin unidade nasional iha komunidade.
  3. Konstrui kampo futsal no fasilidade adorasaun.
  4. Serve komunidade suco colmera ho profesionalismu 

Meta sira ba Dezenvolvimentu iha Suco COLMERA

Vizaun no Misaun iha leten transforma hikas ba Meta sira Dezenvolvimentu iha Suco COLMERA hanesan tuir mai ne’e:

  1. Relasiona ho Misaun nú 1, maka Membru Lideransa Lokal suco Colmera servisu hamutuk ho AHFNT (Asosiasaun Hari’i Futuru Naroman ba Timor) hodi loke fatin kursu iha suco Colmera, atu nune’e bele kapasita komunidade liu-liu Joventude sira nia rekursu atu sira bele kompete iha merkado servisu global. Membru Lideransa Lokal suco Colmera mos, sei hari’i grupo kreativu hanesan; Grupo Kulinaria, Grupo Soru Tais Timor, Grupo Arte kultural no sei kolabora hamutuk ho impresario nasional no internasional sira iha areia suco Colmera atu bele rekruta ami nia komunidade nebee treinado ona hodi servisu iha sira nia kompanha ka ONG.
  2. Relasiona ho Misaun nú 2, maka Membru Lideransa Lokal suco Colmera sei aplika Lei Tara Bandu, hala’o Dialogu ba paz ho Grupo Arte Marsiais sira, hala’o atividade desportu entre Joventude sira no hala’o mos animasaun hanesan Nigth Market no seluk-seluk tan.
  3. Relasiona ho misaun nú 3, maka Membru Lideransa Lokal suco Colmera sei kolabora hamutuk ho parte Turismo, Ambiental, Teras Propriedade no Obras Publika hodi hari’i fatin Ezersisio Desportu no Fatin Adorasaun hanesan Uma Laku, atu nune’e komunidade bele hetan Isin no Espiritu nebee Saudavel. 
  4. Relasiona ho Misaun nú 4, maka Membru Lideransa Lokal Suco Colmera sei kria sistema atendementu administrasaun nebee Efectivu no Profisionalismu. Membru Lideransa Lokal suco Colmera mos uza maneira husi odamatan ba odamatan hodi hakbesik aan ba komunidade sira ho nune’e bele hatene sira nia preukupasaun, nesesidade no ideias hodi bele dezemvolve suco Colmera nebe’e furak liu tan.

Informasaun kompletu bele klik iha ne’e : PDK COLMERA suco Colmera

Scroll to Top